«Ռոնալդուի խաղը խելագարություն է, բայց «Ոսկե գնդակին» արժանի է Ռիբերին». Անրի

Կատալոնական «Բարսելոնայի» նախկին հարձակվող Թիերի Անրին հայտարարել է, որ Պորտուգալիայի հավաքականի ֆուտբոլիստ Կրիշտիանու Ռոնալդուի գործողությունները դաշտում հիացմունքի են արժանի: Այնուամենայնիվ, նա «Տարվա լավագույն ֆուտբոլիստ» կոչումը կշնորհեր Ֆրանկ Ռիբերիին:

«Այն, ինչ անում է Ռոնալդուն դաշտում, պարզապես խելագարություն է: Ռիբերին նույնպես հիանալի ֆուտբնոլիստ է, սակայն` այլ խաղաոճի: Նա այն խաղացողներից է, ում հետ ցանկանում ես խաղադաշտ դուրս գալ: Միանշանակ կցանկանայի, որ «Ոսկե գնդակին» արժանանա նա»,- Անրիի խոսքերը մեջբերում է իսպանական մամուլը: