Մխիթարյանը յուրօրինակ ֆուտբոլիստ է. Ռիդլե

Դորտմունդի «Բորուսիայի» նախկին հարձակվող Կարլ-Հայնց Ռիդլեն անդրադարձել է իր նախկին թիմին Չեմպիոնների լիգայի 1/8 եզրափակչում սպասվող դիմակայությանը և խոսել է նաև Հենրիկ Մխիթարյանի մասին:

«Չեմ կարծում, որ իմ նախկին թիմին մեծ հաջողություն է ժպտացել: Խմբային փուլում հանդես եկող յուրաքանչյուր թիմ շատ լավն է: Բայց, իհարկե, դորտմունդցիներին կարող էր ավելի ուժեղ մրցակից բաժին ընկնել:

«Զենիթի» հետ դիմակայությունում թիմերի հնարավորությունները 70:30 է հոգուտ «Բորուսիայի»: Հենրիկ Մխիթարյանը հիանալի ֆուտբոլիստ է: Այժմ նա մրցակցի դարպասների մոտ որոշակի հոգեբանական խնդիրներ ունի. այդ պատճառով էլ այնքան էլ շատ գոլեր չի հեղինակել, սակայն նա բացառապես տեխնիկապես ուժեղ և յուրօրինակ խաղացող է»,-Ռիդլենի խոսքերը մեջբերում է sport-express-ը: