Օբամեյանգն ընդունեց արագավազորդի մարտարավերը

Դորտմունդի «Բորուսիայի» ֆուտբոլիստ Պյեր Էմերիկ Օբամեյանգն ընդունել է գերմանացի արագավազորդ Յուլիան Ռոյսի մարտահրավերը:

Վերջինս ֆուտբոլիստին առաջարկել է իրենց ուժերը չափել 30 մետր վազքում:

«Բնականաբար, ես ընդունում եմ մարտարավերը: Դրանից հետո կհասկանամ` արժե արդյոք մասնագիտությունս փոխել: Սակայն ես երբեք չեմ ասել, որ Ուսեյն Բոլտից արագ եմ վազում»,-Օբամեյանգի խոսքերը մեջբերում է գերմանական մամուլը:

Նշենք, որ մարզումներից մեկի ժամանակ ֆուտբոլիստը 30 մետրը հաղթահարել է 3,7 վայրկյանում, ինչն ավելի արագ է, քան Բոլտի՝ նույն տարածությունը հաղթահարելու ցուցանիշը: