Ակցիա ԱԺ-ի մոտ. «Դավաճան, Պուտինի ստրուկ...»

Քիչ առաջ ՌԴ և ՀՀ կառավարությունների միջև ստորագրված գազի համաձայնագրի դեմ Ազգային ժողովի շենքի առջև հավաքված բողոքի ակցիայի մասնակիցները երբ տեղեկացան,  որ ռուս-հայկական համաձայնագրերի քվեարկությունը հետաձգվել է, երթով շարժվեցին դեպի Ազգային ժողովի հետնամուտք, որտեղից դուրս են գալու պատգամավորները: Ակտիվիստները տեղում հայտարարեցին, որ թույլ չեն տա պատգամավորներին` գողեգող փախչեն: «Դավաճան, դավաճան», «Պուտինի ստրուկ», «Ամոթ, ամոթ» վանկարկումներով և սուլոցներով` դիմավորում և ճանապարհում էին շենքից դուրս եկող պատգամավորական մեքենաներին։