Այսօր բանաստեղծուհի Մարո Մարգարյանի ծննդյան օրն է (տեսանյութ)
Գիտություն և Մշակույթ
Թե գնում ես, այնպես գնա,
Որ քեզանից իմ հոգու մեջ հետք չմնա....
Թե մնում ես, այնպես մնա,
Որ իմ սրտի ամեն անկյուն
Քեզնով լցվի ու լիանա...
Բանաստեղծուհի, թարգմանչուհի Մարո Մարգարյանը ծնվել է 1915, դեկտեմբերի 22 – ին, Շուլավերում (այժմ` Շահումյան ավան` Վրաստանի Մառնեուլի շրջանում): Միջնակարգ կրթությունն ստացել է ծննդավայրում։ 1938-ին ավարտել է ԵՊՀ բանասիրական ֆակուլտետը։ Այնուհետև սովորել է ԽՍՀՄ ԳԱ հայկական մասնաճյուղի ասպիրանտուրայում։ Նրա առաջին բանաստեղծությունը տպագրվել է 1935-ին։ 1967-84-ին աշխատել է Սփյուռքահայության հետ մշակութային կապի կոմիտեում։
1937-ից ԽՍՀՄ գրողների միության անդամ է:
Մ. Մարգարյանի բանաստեղծությունների հիմնական թեման հայրենիքն է, սերը, մարդկային փոխհարաբերությունները։ Մ. Մարգարյանի բանաստեղծությունները թարգմանվել և առանձին գրքերով լույս են տեսել ռուսերեն։
1981թ. «Նվիրումներ» բանաստեղծությունների ժողովածուի համար պարգևատրվել է Ավետիք Իսահակյանի անվան մրցանակի դափնեկիր, իսկ 1985-ին` Ժողովուրդների բարեկամության շքանշանով:
Մահացել է 1999-ի հունվարի 29-ին Երևանում, թաղված է Բյուրականում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
