Սպորտի և մշակույթի նախարարությունների տեղափոխությունը մարզեր խուճապի է մատնել շատերին
Հայկական Մամուլ
Կառավարության 3-րդ շենքում, որտեղ տեղակայված են մի շարք նախարարություններ, կաբինետից կաբինետ լուրեր են շրջանառվում, թե հնարավոր է մարզեր տեղափոխվեն ոչ միայն սպորտի և երիտասարդության հարցերի և մշակույթի նախարարությունները, այլ նաև այլ գերատեսչություններ: Գրում է «Հրապարակ»-ը:
Սպորտի և մշակույթի նախարարությունների տեղափոխությունը խուճապի է մատնել շատերին, քանի որ այն երևանաբնակների համար իսկական բոթ է: Երևանից մարզ գնալը և ճանապարհի, և ժամանակի, և աշխատավարձի առումով ձեռնտու չէ մարդկանց: Դա նշանակում է, որ իրենց գործազրկություն է սպառնում, փոխարենը Շիրակի մարզում մի քանի հարյուր հոգու համար աշխատատեղ կբացվի: Բայց կառավարությունից երեկ մեր թղթակցին վստահեցրել են, որ բացի վերոնշյալ երկու նախարարություններից, այլ նախարարությունների մասին խոսք չի գնում, և խուճապն անհիմն է:
Հարցին, թե հնարավո՞ր է Ձեր նախարարությունն էլ տեղափոխվի, ասենք, Էջմիածին, կրթության և գիտության նախարար Արմեն Աշոտյանն արձագանքել է՝ լավ միտք է, և հեռացել է առանց երկար-բարակ խոսելու:
Մանրամասները՝ «Հրապարակ»-ի այսօրվա համարում:
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
