Ընդդիմադիր խմբակցությունների քաղաքական քայլը մեկուսացրեց Սերժ Սարգսյանին

Որքան էլ ԱԺ կայքը հաղորդի, թե ԱԺ-ն վավերացրեց ՀՀ և ՌԴ կառավարությունների միջև «Գազպրոմի» առնչությամբ ստորագրված պայմանագիրը, ԱԺ 6 խմբակցություններից 4-ը հայտարարել են պայմանագրի վավերացված չլինելու մասին: Իսկ դա ի՞նչ է նշանակում:
Նշանակում է ԱԺ-ում ներկայացված ուժերի մեծամասնությունը միասնական և միակամ կերպով հրաժարվեց պայմանագրից: Նման քաղաքական քայլը, ըստ էության, մեկուսացրեց Սերժ Սարգսյանին, որպես պայմանագրի միակ պատասխանատուի, և նրան զրկեց Հայաստանի ժողովրդին ապավինելու հնարավորությունից: Գրում է «Հրապարակ»-ը:

Սերժ Սարգսյանը միայնակ է մնում Ռուսաստանի հանդեպ ծառայամտության մեջ, և այդտեղ չի փրկի անգամ Տեր-Պետրոսյանի աջակցությունը' ռուսական կողմին ուղղված հերթական ռևերանսի տեսքով:

Աժ-ում տեղի ունեցած ֆարսը' առանց պատշաճ ընթացակարգի պահպանման, ոչ միայն քաղաքական առումով փակեց մեկուսացման օղակը Սերժ Սարգսյանի շուրջ, այլև իրավական առումով գրեթե զրոյացրեց մինչև պայմանագրում նախատեսված ժամկետը' 2014թ. հունվարի 31-ը դրա վավերացումն ու գործարկումը»,-գրում է թերթը:

Մանրամասները՝ «Հրապարակ»-ի այսօրվա համարում: