Դիլիջանում կրակոցների հետևանքով գործարարի եղբոր որդին և Թեղուտի գյուղապետի որդին մահացել են

Դեկտեմբերի 24-ին, ժամը 16.30-ին, հիվանդանոցից ոստիկանության Դիլիջանի բաժնում հաղորդում է ստացվել, որ հրազենային վնասվածքներով բուժօգնության են տեղափոխվել 1980 թ. ծնված Նավասարդ Աբգարյանը և 1979 թ. ծնված Արտավազդ Թ.-ն:

Պարզվել է, որ Ն. Աբգարյանը և Արտավազդ Թ.-ն վնասվածքները ստացել են նույն օրը, ժամը 16.00-ի սահմաններում, Դիլիջանի Մյասնիկյան փողոցում տեղի ունեցած փոխհրաձգության ժամանակ:

Դեկտեմբերի 25-ին, ժամը 00.05-ին, Նավասարդ Աբգարյանը հիվանդանոցում մահացել է:

Փաստի առթիվ ոստիկանության Դիլիջանի քննչական բաժանմունքում ՀՀ քրեական օրենսգրքի 104 հոդվածի 1-ին մասով և 258 հոդվածի 4-րդ մասով հարուցվել է քրեական գործ:

Հանգամանքները պարզվում են:

Կատարվում է նախաքննություն:

shamshyan.com-ը հայտնում է, որ հիվանդանոցում մահացել է նաև Ա. Թամրազյանը:

Կայքի տեղեկություններով, Դիլիջան քաղաքի Իվանով փողոցի 10 տան բնակիչ, 33-ամյա Ն.Աբգարյանը, ով Դիլիջանում հայտնի է Նովո մականվամբ, Դիլիջանի ոլորաններում գործող «Հաղարծին» ռեստորանային համալիրի սեփականատեր Արմեն Աբգարյանի եղբոր տղան է, իսկ Թեղուտ գյուղի բնակիչ, 34-ամյա Ա. Թամրազյանը Թեղուտի գյուղապետ Արարատ Թամրազյանի տղան է: