«Հույսեր չունեմ, որ գործը երբևէ կբացահայտվի». Հրաչ Մուրադյանի սպանության գործի մասին

Պռոշյանի գյուղապետի սպանության գործով ամիսներ շարունակ կալանավորված Արայիկ Պետրոսյանը երեկ ազատ է արձակվել: Վերջինիս փաստաբան Նորայր Նորիկյանը տեղեկացրել է, որ իրենք միջնորդություն էին ներկայացրել գլխավոր դատախազին, եւ այն բավարարվել է: Արայիկ Պետրոսյանի նկատմամբ ընտրված խափանման միջոց կալանավորումը վերացվել է, եւ որեւէ խափանման միջոց չի ընտրվել: Ավելին, hանցագործության ամբողջական բացահայտման նպատակով ՀՀ գլխավոր դատախազի հանձնարարությամբ ոստիկանության եւ ազգային անվտանգության ծառայության ներկայացուցիչների ներգրավմամբ նոյեմբերին ստեղծվել է համատեղ օպերատիվ-քննչական նոր խումբ: Սակայն սպանված գյուղապետ Հրաչ Մուրադյանի եղբոր որդին՝ Հակոբ Մուրադյանը, «Ժողովուրդ»-ի հետ զրույցում նշեց, որ ինքը չի հավատում, թե այս գործը երբեւէ կբացահայտվի. «Կապրենք, կտեսնենք, բայց հույսեր չունեմ»:

Մանրամասները` «Ժողովուրդ»-ի այսօրվա համարում: