«Բորուսիան» նոր հարձակվող ձեռք կբերի

Ինչպես տեղեկացնում է  tribalfootball.com-ը, Դորտմունդի «Բորուսիան» նոր ֆուտբոլիստ ձեռք կբերի:

Գերմանական ակումբն արդեն անձնական պայմանագրի շուրջ համաձայնության է եկել «Սանդերլենդի» հարձակվող Չի Դոն Վոնի հետ:

Հարավային Կորեայի հավաքականի 22-ամյա ֆուտբոլիստի պայմանագիրն անգլիական ակումբի հետ ավարտվում է հաջորդ տարի, և թիմը դեմ չէ ֆուտբոլիստի տեղափոխությանը:

Աղբյուրի տեղեկությունների համաձայն՝ կողմերը պաշտոնապես պայմանագիր կկնքեն հունվարի առաջին շաբաթվա ընթացքում: