«Արցախբանկը» փոշմանել է

Ինչպես ավելի վաղ հայտնել էր Լուրեր.com-ը, այսօր Կառավարության դիմաց բազմամարդ բողոքի ակցիա են անցկացրել «Տոնուս» ՍՊԸ-ի կողմից Դավիթաշեն վարչական շրջանի 2-րդ թաղամասում 44/4 և Փափազյան 118/1-ում կառուցվող բազմաբնակարան բնակելի շենքերի խաբված բնակարանատերերը:

Վերջիններիս մոտեցել է Կառավարության աշխատակիցներից մեկը և հորդորել պահանջը ներկայացնել «Արցախբանկին» և «Տոնուս» ՍՊԸ-ին: Եվ քանի որ գործարքը եղել է մասնավոր բանկի հետ, Կառավարությունը «լվացել է ձեռքերը»:

Բնակիչներն էլ բողոքի ակցիան որոշել են շարունակել Սայաթ-Նովայի փողոցում գտնվող «Արցախբանկի» դիմաց:

Աշխատակիցները փակել են բանկի դռները, որպեսզի բնակարանատերերը չմտնեն բանկ: Բանկի անտարբերությունից զայրացած տոնուսցիները սկսել են ձվեր նետել «Արցախբանկի» պատուհաններին:

Քիչ առաջ Լուրեր.com-ի հետ զրույցում «տոնուսցիներից» մեկը նշեց, որ «Արցախբանկը» փոշմանել է` որոշել բացել դռները:

Բնակարանատերերից հինգ հոգի այս պահին բանկի ներսում քննարկում են խնդրի լուծման հնարավոր տարբերակները: