«Արսենալը» ձանձրալի ֆուտբոլ էր խաղում. Մոուրինյու

Լոնդոնի «Չելսիի» գլխավոր մարզիչ Ժոզե Մոուրինյուն հայտարարել է, որ ինքը մշտապես դժվարությունների առաջ է կանգնում:

«Ես միշտ դժվարությունների եմ հանդիպում: «Ինտերում» դժվար էր, «Ռեալում» ինձ դիմակայում էր հնարավոր է` վերջին 20-30 տարիների լավագույն ակումբը»:

Անդրադառնալով «Արսենալի» երկրպագուների քննադատությունը` վերջիններս հայտարարել էին, որ Մոուրինյուի թիմը ձանձրալի ֆուտբոլ է ցուցադրում, պորտուգալացին նշել է.

«Նրանք ասում էին, որ մենք ձանձրալի ֆուտբոլ ենք խաղում: Ինքս կարծում եմ` ձանձրալի է խաղում այն թիմը, որը սեփական հարկի տակ գոլ չի կարողանում խփել: Այ դա է ձանձրալին, քանի որ երկրպագուները մարզադաշտ են գալիս հաղթանակ տեսնելու: Ոչ մի տեղ չկան երկրպագուներ, ովքեր գալիս են մարզադաշտ, որպեսզի տեսնեն` ինչպես թիմը գոլ չի հեղինակում կամ չի հաղթում: Եթե ինչ-որ մեկը ձանձրալի էր, ապա դա նրանք էին, քանի որ  Պետեր Չեխն աչքի չնկավ ոչ մի սեյվով», – Մոուրինյուի խոսքը մեջբերում է  Daily Mail-ը: