Ինչպես էին լրագրողներից «պաշտպանում» Տարոն Մարգարյանին (տեսանյութ)

Այսօր' ժամը 14-ին, Տնտեսագիտական համալսարանում տեղի ունեցավ Երևանի քաղաքապետ Տարոն Մարգարյանի ատենախոսության պաշտպանությունը` տնտեսագիտության թեկնածուի գիտական աստիճանի համար: Ատենախոսության թեման է «Երևան քաղաքի սոցիալ-տնտեսական զարգացման հիմնախնդիրները»:

Այս ատենախոսության պաշտպանությունն առաջացրել էր լրագրողների հետաքրքրությունը, ովքեր եկել էին Տնտեսագիտական համալսարան' լուսաբանելու պաշտպանությունը: Սակայն տեղի «ուսանողները» շրջափակել էին մուտքը և թույլ չէին տալիս լրոգրողները մուտք գործեն համալսարան:

Նշենք, որ ուսանողության համախմբման մեխանիզմն իր ձեռքն էր վերցրել ՀՊՏՀ-ի ՈւԽ նախագահ և ռեկտորի խորհրդական ՀՀԿ-ական Սևակ Խաչատրյանը:

Տեղի ունեցածի պատճառով ժամանել էր նաև ՄԻՊ ներկայացուցիչ, սակայն ՄԻՊ ներկայացուցիչն իր իրավասություններից դուրս համարեց խնդիրը:

Տեղեկացանք նաև, որ վաղը ժամը 12:00-ին մի խումբ ակտիվիստներ պատրաստվում են հավաքվել ՀՊՏՀ-ի մոտ և իրենց բողոքն արտահայտել միջադեպի կապակցությամբ:

Ինչպես և սպասվում էր, Տարոն Մարգարյանի ատենախոսության պաշտպանությունը բարեհաջող ավարտ ունեցավ:

Տեսանյութը` epress.am-ի