Հայաստանի ժողովրդագրական վիճակը գնալով աղետալի է դառնում

Հայաստանի ժողովրդագրական վիճակը գնալով աղետալի է դառնում, եւ այդ փաստն ամրագրված է նաեւ ՀՀ պաշտոնական վիճակագրության մեջ: ՀՀ ԱՎԾ-ն երեկ հրապարակել է 2011թ. անցկացված մարդահամարի վերջնական տվյալները: Ըստ այդմ՝ 2011թ. ՀՀ-ում առկա բնակչության թիվը կազմել է 2 մլն 871 հազար 771 մարդ, մինչդեռ 2001թ. մարդահամարի տվյալներով բնակչության թիվը 3 մլն 2 հազար 594 է: Այլ կերպ ասած՝ տասը տարվա մեջ ՀՀ առկա բնակչության թիվը նվազել է 130 հազար 823-ով: Սակայն հասկանալի է, որ մարդահամարի տվյալներն ամբողջովին չեն ներկայացնում իրական թվաքանակը: Եթե հաշվի առնենք արտագաղթի ծավալները, ապա դժվար չէ կռահել, թե իրականում ՀՀ բնակչությունն ինչ վիճակում է: Քաղաքական շրջանակները կատակում են, որ Լեւոն Տեր-Պետրոսյանը եղել է 4 մլն, Ռոբերտ Քոչարյանը' 3 մլն, իսկ Սերժ Սարգսյանը' 2 մլն քաղաքացու ղեկավար:

Մանրամասները` «Ժողովուրդ»-ի այսօրվա համարում: