Որո՞նք էին 2013-ի հիթերը

Թեև վերջին տարիներին հետաքրքրությունը հայկական շոու բիզնեսի նկատմամբ այն չէ, քաղաքի տարբեր անկյուններում դեռ հնչում են հայկական երգեր:

ESem.am-ն առանձնացրել է 2013-ի հիթերը՝ հաշվի առնելով երգերի դիտումները, լայքերի քանակը, մեկնաբանություններն ու, իհարկե, այն հաճախականությունը, որով դրանք կարելի էր լսել քաղաքի տարբեր անկյուններում: Ծանոթացիր մեր առանձնացրած ցանկին ու մեկնաբանությունների բաժնում գրիր՝ որո՞նք էին քո ֆավորիտ երգերն ընթացիկ տարում:)

Թեև Սիրուշոյի «ՊռեԳոմեշի» պրեմիերան եղավ 2012-ի դեկտեմբերի 15-ին, այն կարելի է համարել 2013-ի հիթային երգերից մեկը, քանի որ ընթացիկ տարվա ընթացքում ուղեկցում էր գրեթե բոլորին:

Գևորգ Մարտիրոսյանի և Արմոյի «Շնորհավոր» երգը ևս լույս տեսավ 2012-ի վերջին՝ դեկտեմբերի 21-ին, սակայն 2013-ին շատ արդիական էր: Երգի տեսահոլովակը ևս շատ քննարկվեց. երգչուհի Սոնա Շահգելդյանի պարը հասարակությունը երկար հիշեց :)

Միհրան Ծառուկյանի «Թե կուզես» երգի հասցեին հնչած քննադատություններից հետո նրա ներկայացրած հաջորդ՝ «Մի նայիր» երգը բավականին սիրվեց: Ի դեպ, երգչի՝ օրեր առաջ ներկայացրած «Ով իմանար» երգը ևս հիթ դառնալու ճանապարհին :) Այն արդեն կարելի է լսել քաղաքի տարբեր անկյուներում:

Մարտին Մկրտչյանի «Այս երգը քոնն է» կատարումը ևս ընթացիկ տարում հնչում էր գրեթե բոլորի մեքենաներից, խանութներում, բջջային հեռախոսներից: Օրերս երգիչը ներկայացրել է իր նոր՝ «Շնորհավոր» երգը, որն արդեն իսկ հնչում է ամենուր և արժանացել է բավականին մեծ թվով մարդկանց հավանությանը: Գուցե այն դառնա 2014-ի հիթերից մեկը:

Կարծես թե, Հայաստանում սիրահարվածները շատ են:) Հայկոյի «Ես քեզ սիրահարվել եմ» երգը ևս տարվա հիթերից մեկն էր:

Շարունակությունն` այստեղ: