Օգնության են հասել փրկարարները

Դեկտեմբերի 30-ին, ժամը 02.16-ին ահազանգ է ստացվել, որ Երևանի Սեբաստիա փողոցի թիվ 30 շենքի բնակարաններից մեկի բնակիչը վատառողջ է. շտապօգնության ավտոմեքենային մոտեցնելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարները 4-րդ հարկից իջեցրել և շտապօգնության ավտոմեքենային են մոտեցրել Գ. Ե.-ին (մոտ 50 տարեկան):

***

Դեկտեմբերի 29-ին, ժամը 20.26-ին ահազանգ է ստացվել, որ Երևանի Զ. Անդրանիկի փողոցի թիվ 16 շեն­քի բնակարաններից մեկի դուռը փակ է, ներսում գտնվող տարեց քաղաքացին չի կարողանում ինքնուրույն բացել. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարները բացել են բնակարանի դուռը. հյուրասենյակի հատակին անօգնական վիճակում հայտնաբերվել է 1916 թ. ծնված Զ. Կ.-ն,ով հրաժարվել է հոսպիտալացումից:

***

Դեկտեմբերի 29-ին, ժամը 09.56-ին ահազանգ է ստացվել, որ Երևանի Շևչենկոյի փողոցի թիվ 10 շենքի վատառողջ բնակիչն ընկել է հատակին, ինքնուրույն չի կարողանում բացել դուռը. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ և ՃԿԿ օպերատիվ խումբը:
Հրշեջ-փրկարարները բացել են բնակարանի դուռը. հյուրասենյակում անօգնական վիճակում հայտնաբերվել է 1935 թ. ծնված Մ. Պ.-ն, ում շտապօգնության աշխատակիցները ցուցաբերել են համապատասխան բուժօգնություն: