«Ֆեներբահչեն» հետաքրքրված է Օզբիլիսի ծառայություններով

Հայաստանի ազգային հավաքականի և Մոսկվայի «Սպարտակի» կիսապաշտպան Արաս Օզբիլիսը հայտնվել է «Ֆեներբահչեի» ուշադրության կենտրոնում. տեղեկացնում է թուրքական Eurosport-ը:

Սակայն այս տրանսֆերային պատուհանի ժամանակ գործարքը հաստատ չի կնքվի, քանի որ թուրքական ակումբը միայն հետևելու է ֆուտբոլիստի խաղին:

Նշենք, որ Transfermarkt-ը Օզբիլիսի տրանսֆերը գնահատում է 6,5 մլն եվրո:

Ռուսաստանի ընթացիկ առաջնությունում «Սպարտակի» 23-ամյա ֆուտբոլիստը անցկացրել է 18 խաղ,  հեղինակել 5 գոլ  և կատարել 2 արդյունավետ փոխանցում: