Այսօր Տիգրան Քյոսայանի ծննդյան օրն է

Մոսկվայաբնակ հայ կինոռեժիսոր, դերասան, սցենարիստ և հաղորդավար Տիգրան Քյոսայանը  ծնվել է 1966թ. հունվարի 4-ին, Մոսկվայում: Ռեժիսոր Էդմոն Քյոսայանի և դերասանուհի Լաուրա Գևորգյանի որդին է: Տիգրանն ունի երկու դուստր՝ Ալեքսանդրան և Կսենիան: 

1984թ. ընդունվել է Մոսկվայի Գերասիմովի անվան կինեմատոգրաֆիայի պետական համալսարանի ռեժիսորական ֆակուլտետ: 1983թ-ից աշխատել է «Մոսֆիլմ» կինոստուդիայում: Այդ ժամանակ նկարահանել է առաջին «Արևոտ ծովափ» դրաման:

Համալսարանն ավարտելուց հետո աշխատել է որպես ռեժիսոր, նկարահանել է բազմաթիվ տեսահոլովակներ ռուսական երգարվեստի ներկայացուցիչների համար' Իրինա Ալեգրովայի, Միխայիլ Շուֆուտինսկու, Իգոր Սարուխանովի և այլոց:

1992թ. նկարահանել է առաջին լիամետրաժ խաղարկային ֆիլմը' «Կատկան և Շիզը»:

1993թ. դարձել է «Gold Vision» ստուդիայի հիմնադիրներից մեկը և գեղարվեստական ղեկավարը:

2000թ. բեմադրել է առաջին ներկայացումը թատրոնում' Սլուցկու «Նորը»:

2002թ. խաղացել է «Գլխավոր դերեր» սերիալում:

Նկարահանել է' «Խեղճ Սաշան» (1997թ.), «Նախագահը և նրա թոռնուհին» (1999թ.), «Արծաթափայլ հովտաշուշան» (2000թ.), «Տղամարդու գործ» (2001թ.), «Տղամարդու գործ 2» (2002թ.), «12 աթոռ» (2003թ.), «Նապաստակն անդունդի վրա» (2006թ.), «Միրաժ» (2008թ.) ֆիլմերը:

Խաղացել է բազմաթիվ գեղավեստական ֆիլմերում, արժանացել է առաջատար մրցանակների ու պատվոգրերի: Եղել է ռուսական բազմաթիվ մեծամասշտաբ հեռուստանախագծերի ժյուրիի անդամ: 2007թ-ից վարել է ռուսական «Ռեն TV» հեռուստաընկերության «Երեկոն Տիգրան Քյոսայանի հետ», 2011թ-ից' «Բավական է լռել», 2009թ-ից' «Ռոսիա» հեռուստաընկերության «Ես և դու» հաղորդումները: 2009թ-ից հանդիսանում է «ԴՏՎ» հեռուստաընկերության գլխավոր պրոդյուսերը, որտեղ նաև վարում է «Թեժ երեկո Տիգրան Քյոսայանի հետ» հաղորդաշարը: