Վարդան Մինասյանը և հայկական 7 հրաշքները (տեսանյութեր)

Ինչպես արդեն տեղեկացրել ենք, Հայաստանի ազգային հավաքականի նախկին գլխավոր մարզիչ Վարդան Մինասյանը այսօր նշում է իր ծննդյան 40-րդ տարելիցը:

Ռուսական sport-express-ը անդրադարձել է Մինասյանի մարզչական գործունեությանը և նեկայացրել Հայաստանի ընտրանու 7 լավագույն խաղերը, որոնք հավաքականը գրանցել է Մինասյանի գլխավորությամբ:

Հայաստան-Սլովակիա` 3:1

Եվրո-2012 ընտրական փուլ (հոկտեմբերի 8 , 2010)

Սլովակիայի ընտրանու նկատմամբ հաղթանակը Հայաստանի հավաքականի առաջին նշանակալից հաջողությունն էր Մինասյանի գլխավորությամբ:

Սլովակիա- Հայաստան`  0:4

Եվրո-2012 ընտրական փուլ (Սեպտեմբերի 6, 2011 թ)

Հայերը մեծ մասամբ, շնորհիվ Մխիթարյանի և Մովսիսյանի հիանալի խաղի, սլովակներին ամբողջովին ջախջախեցին: Այս հաղթանակը հայերին թույլ տվեց մինչև վերջ պայքարել երկրորդ տեղի համար, իսկ Ռուսաստանին՝ դուրս գալ առաջին հորիզոնական:

Հայաստան - Մակեդոնիա` 4:1

Եվոպայի առաջնություն-2012. ընտրական փուլ (հոկտեմբերի 7, 2013)

Հայաստանի հավաքականին անհրաժեշտ էր հաղթանակ տոնել, որպեսզի խմբում երկրորդ տեղի համար հնարավորություններ պահպաներ: Դաշտի տերերը այդ խնդիրը կարողացան լուծել: Հանդիպման հերոսը Յուրա Մովսիսյանն էր, ով երեք գոլային փոխանցում կատարեց:

Դանիա-Հայաստան` 0:4

ԱԱ. 2014 ընտրական փուլ (հունիսի 11, 2013)

Կոպենհագեն մեկնելուց առաջ Հայաստանի ընտրանին սեփական հարկի տակ նվազագույն հաշվով զիջեց Մալթային: Պարտությունից հետո Մինասյանին և իր թիմին անհրաժեշտ էր վերակնգնվել: Ստացվեց ավելի քան համոզիչ: Հավաքականի կազմում լավագույններն էին Օզբիլիսը և Մովսիսյանը: Վերջինս դուբլ ձևակեպեց, իսկ Օզբիլիսը գոլ հեղինակեց և երկու գոլային փոխանցում կատարեց: Այս պարտությունը սեփական հարկի տակ 1986թ-ից ի վեր Դանիայի հավաքականի պատմության մեջ ամենախոշոր հաշվով պարտությունն էր:

Չեխիա - Հայաստան` 1:2

ԱԱ. 2014. ընտրական փուլ (Սեպտեմբերի 6, 2013)

Կորցնելով երկու առանցքային ֆուտբոլիստների՝ Ռոման Բերեզովսկուն և Արաս Օզբիլիսին, Հայաստանի հավաքականը բնավորություն ցույց տվեց: Հաշիվը հիանալի հեռահար հարվածով բացեց Կառլեն Մկրտչյանը, իսկ ավելացված ժամանակում Գևորգ Ղազարյանը հաղթանակ բերեց  հյուրերին:

Հայաստան -Բուլղարիա` 2:1

ԱԱ. 2014. ընտրական փուլ (Հոկտեմբերի 11, 2013)

Հայաստանի հավաքականը կորցրել էր անցումային խաղերին մասնակցելու իր հնարավորությունը: Սակայն բուլղարացիների հետ հանդիպումը սկզբունքային էր: Թիմերի միջև առաջին հանդիպմանը բուլղարացիները հաղթեցին նվազագույն հաշվով՝ շնորհիվ  «կեղտոտ» խաղի և սադրանքների, ինչը հայերի համար հանգեցրեց ոչ միայն միավորների կորստի, այլև մի քանի առաջատար ֆուտբոլիստների որակազրկմանը, ինչպես նաև Սոֆիայում հայ երկրպագուներին ծեծի ենթարկելուն: Այդ պատճառով էլ ռևանշը պատվի հարց էր: Շնորհիվ Օզբիլիսի և Մովսիսյանի հիանալի խաղի` հայերը հաղթեցին:

Իտալիա - Հայաստան` 2:2

ԱԱ. 2014. ընտրական փուլ (Հոկտեմբերի 15, 2013)

Ընտրական փուլի վերջին խաղը երկու թիմերի համար էլ մրցաշարային աղյուսակում ոչինչ չէր փոխում: Իտալացիները վաղուց ապահովել էին իրենց համար առաջին տեղը: Այդ պատճառով էլ Պրանդելին դաշտ էր դուրս բերել փորձարարական կազմ, որոնց հետ հյուրերը հավասար խաղ էին ցուցադրում՝ երկու անգամ հաշվի մեջ առաջ անցնելով: Իտալացիներին հաջողվեց խաղը փրկել Բալոտելլիի գոլի շնորհիվ, իսկ հյուրերի կազմում լավագույնը Մովսիսյանն էր: