Օբաման հետախուզության ոլորտի բարեփոխումների ծրագիրը կներկայացնի հունվարի 17-ին
ԱՄՆ
Ինչպես հայտնում է itar-tass-ը, ԱՄՆ նախագահ Բարաք Օբաման ամերիկյան հետախուզության գործունեության վերանայման արդյունքների վերաբերյալ իր որոշման մասին հայտարարելու է հունվարի 17-ին: Այս մասին հայտարարել է նախագահի մամուլի քարտուղար Ջեյ Քարնին:
ԱՄՆ Ազգային անվտանգության գործակալության գործունեության մեջ բարեփոխումներ մտցնելու հարցն առաջացել է նրա նախկին աշխատակից Էդվարդ Սնոուդենի բացահայտումներից հետո: Ազգային անվտանգության գործակալության մասին տվյալների հրապարակումն ահաբեկիչներին հնարավորություն է տվել ավելի լավ ծանոթանալ ամերիկյան հետախուզության աշխատանքի ծրագրերին:
ԱՄՆ նախագահ Բարաք Օբաման այս հարցի շուրջ քննարկումներ է սկսել Ազգային անվտանգության գործակալության, Ազգային հետախուզության, Կենտրոնական հետախուզական վարչության և Հետաքննությունների դաշնային բյուրոյի ղեկավարների հետ:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
