«Բորուսիան» նոր հարձակվող է ձեռք բերել

Դորտմունդի «Բորուսիան» ձեռք է բերել ֆինլանդական «Հոնկայի» 20-ամյա հարձակվողին՝ Թիմ Վյայրյունենին: Այս մասին տեղեկացնում է գերմանական ակումբի պաշտոնական կայքը:

Ֆուտբոլիստի պամանագիրը կգործի մինչև 2016թ-ը: Վյայրյունենը հանդես կգա Դորտմունդի երիտասարդական թիմում, որը հանդես է գալիս երրորդ լիգայում:

Պայմանագրի վերաբերյալ այլ մանրամասներ չեն հայտարարվում:

Նշենք, որ հարձակվողը 24 խաղում Ֆինլանդիայի առաջնության նախորդ մրցաշրջանում 17 գոլ է հեղինակել: