Ֆրանսիայի նվերն ԱՄՆ-ին. Ազատության արձան

Ազատության արձանը ԱՄՆ-ում և աշխարհում քանդակագործության ամենահայտնի կոթողներից է, որը հաճախ անվանում են նաև «Նյու-Յորքի և ԱՄՆ-ի խորհրդանիշ», «Ազատության և դեմոկրատիայի խորհրդանիշ», «Լեդի Ազատություն»: Արձանը գտնվում է Ազատության կղզու վրա: Նյու Յորքի թաղամաս Մանհետնից 3 կմ դեպի հարավ-արևմուտք:

Այս արձանը Ֆրանսիայի նվերն է Ամերիկայի Միացյալ Նահանգների ժողովրդին Ամերիկայի անկախության 100-ամյակի առթիվ: Սրանով է պայմանավորված նաև այն, որ արձանի ձախ ձեռքում եղած գրքի վրա գրված է Անկախության հռչակագրի ընդունման օրը՝ 1776, հուլիսի 4:

Կոթողի հեղինակն է ֆրանսիացի քանդակագործ Ֆրեդերի Օգյուստ Բատոլդին:Ասում են, որ որպես բնորդուհի է ծառայել Իսահակ Զինգերի այրին' ֆրանսուհի Իզաբելլա Բոյեր:

Սովորաբար լաստանավով ժամանող այցելուները բարձրանում են 356 աստիճան մինչև արձանի պսակը կամ 192 աստիճան մինչև պատվանդանի բարձրակետը:

Պսակում տեղակայված է 25 պատուհան. դրանք խորհրդանշում են աշխարհը լուսավորող երկրի թանկագին քարերն ու երկնային շողերը: Յոթը շողերը խորհրդանշում են յոթը ծովերն ու յոթը մայրցամանքները ըստ ժամանակակից արևմտյան աշխարհագրության ավանդության: Արձանի պողպատե հիմքը կշռում է 125 տոննա, 2,57 մմ հաստությամբ երեսպատման պղնձե նրբաթիթեղները' 31 տոննա: Բուն արձանի բարձրությունը 46 մետր է: Արձանի պսակի և ջահի վրայի հարթակներից բացվում է նյույորքյան ծովածոցի համայնապատկերը: Պատվանդանում է գտնվում նաև արձանի պատմության ցուցահանդես-թանգարանը:

Ազատության արձանն այնքան հանրահայտ է, որ դրա փոքրացված պատճենները կանգնեցված են Փարիզում, Տոկիոյում, Ռիգայում, Լվովում և այլուր:

անդրադարձը՝ Անահիտ Ծատուրյանի

menq.org