A’Chilla-ի ծննդյան երեկույթն ու 3.33-ի համալրումը (ֆոտո)

Երեկ երևանյան ակումբներից մեկում կայացավ A’Chilla-ի ծննդյան երեկույթը, որն ուղեկցվեց 3.33 խմբի համերգային ծրագրով: A’Chilla-ն առաջին անգամ էր այս ձևաչափով նշում տարեդարձը:

«Այստեղ այնտեղ շատ չեմ ասում, բայց այսօր դարձա 34 տարեկան:) Շատ մարդու չէի սպասում` միայն նրանց, ում հրավիրել էի, սակայն բավականին շատ մարդիկ կան` ծանոթ ու անծանոթ, ինչի համար շատ զգացված եմ: Շատ ուրախ եմ, որ այս անգամ ծնունդս Հայաստանում եմ նշում, ոչ թե ԱՄՆ-ում, այլ կերպ է անցնում :) Այսօր հին նոր տարի է, և շատերը զբաղված են, այնուամենայնիվ, շատ մարդիկ եկել են երկրպագելու: Դա իմ տարեդարձի ամենամեծ նվերն է»,- ESem.am-ին ասաց ռեփերը: 

Իր կյանքի ամենամեծ ձեռքբերումը A’Chilla-ն համարում է այն, որ անգլերեն ստեղծագործելուց հետո կարողացավ հայերեն գրել. «Մտքովս չէր անցնում, որ կկարողանամ մի քանի հայերեն բառ իրար կապել, բայց ունեցա ամբողջությամբ հայերենով ձայնասկավառակներ: Դաջվածքը, որ ունեմ թևիս` 3.33, հենց դրա խորհրդանիշն է»:

3.33 խմբում համալրում է եղել` Ֆելոյին և A’Chilla-ին է միացել նաև Ավոն, որ երգիչներ Արամոյի և Էմմա Պետրոսյանի որդին է: Տղաները բեմում երգում էին, իսկ առաջին շարքում պարում և ուրախանում էին Ֆելիքսի և A’Chilla-ի կանայք, ովքեր մի պահ տղաներին միացան նաև բեմում: A’Chilla-ին շնորհավորելու և 3.33-ին երկրպագելու էին եկել Սոս Ջանիբեկյանը, Արման Նշանյանը, Վարշամ Գևորգյանը, Դելոն` կնոջ հետ, Սերժոն, Միշոն և այլք:

Շարունակությունը՝ այստեղ: