Կիսակառույց շինության 2-րդ հարկում դի է հայտնաբերվել

Հունվարի 15-ին` ժամը 16.39-ին, տեղեկություն է ստացվել, որ Երևանի Արտաշիսյան փողոցի թիվ 94 կիսակառույց շենքում առկա է քաղաքացու դի, ճանապարհի դժվարանցանելիության պատճառով անհրաժեշտ է փրկարարների օգնությունը:

Դեպքի վայր է մեկնել ՀՆՓԱԻԿ փրկարարական ջոկատը:

Պարզվել է, որ դին հայտնաբերվել է թիվ 96 հասցեում գտնվող կիսակառույց շինության 2-րդ հարկում:

Փրկարարները անձը չպարզված միջին տարիքի տղամարդու դին պատգարակով իջեցրել և մոտեցրել են շտապօգնության աշխատակիցներին: