Աղետալի տվյալներ արտագաղթի մասին. «ՀԺ»

«Այսպես ասած Արտագաղթի ուսումնասիրման հանձնաժողովը մինչև հունվարի 24-ը կհրապարակի իր ուսումնասիրության արդյունքները։ «ՀԺ»-ի ունեցած հավաստի տեղեկություններով, նախնական տեղեկություններ արդեն կան և դրանք աղետալի են։

Հիշեցնենք, Միգրացիոն պետական ծառայությունն առա֊ ջարկելԷր բյուջեից գումար հատկացնել' ար­տագաղթի պատճառներն ուսումնասիրելու համար: Սույն ուսումնասիրությունը գիտու­թյան պետական կոմիտեն պատվիրել Էր հայ-ռուսական սլավոնական համալսարա­նին: Վարչապետ Տիգրան Սարգսյանը խորհրդարանում արտագաղթի վերաբերյալ պատգամավորների հարցերին պատաս­խանելիս հայտարարել էր. որ ուսումնասի­րություն է իրականացվում՝ արտագաղթ երևույթի պատճառներն ավելի լավ հասկա­նալու, շարժառիթներն ավելի մանրակրկիտ հասկանալու համար՝ այն նպատակով, որ­պեսզի իրենց գործողությունները լինեն արդյունավետ:

ՀՀ Միգրացիոն ծառայության ղեկավար Գագիկ Եգանյանը, ով ևս մասնակցել է ուսումնասիրման աշխատանքներին, երեկ մեզ փոխանցեց, որ «Միգրացիոն հոսքերի վերաբերյալ ընտրանքային հետազոտության» արդյունքները, ըստ պայմանագրի, պետք է պատրաստ լինեն հունվարի 24-ին։ Թվեր նա չցանկացավ նշել՝ խորհուրդ տալով սպասել ուսումնասիրության հրապարակմանը։ Մեր տեղեկություններով, հարցվածների 80 և ավելի տոկոսը արտագաղթը կապել են սոցիալ-տնտեսական, մեղմ ասած, վատ պայմանների, աշխատատեղերի բացակայության հետ»։

Մանրամասները' թերթի այսօրվա համարում