Այսօր Թովմաս Պողոսյանի ծննդյան օրն է (տեսանյութ)

Ժողովրդական և աշուղական երգերի կատարող, այլ նաև որպես մի շարք մոռացմանը ենթակա երգերի փրկիչ, բանահավաք, մանկավարժ Թովմաս Գևորգի Պողոսյանը ծնվել է 1954 թ. հունվարի 18-ին, Լոռվա մարզի Սարչապետ գյուղում: Երգել սկսել է մանկուց:

Դպրոցական կրթությունը սկսել է Թբիլիսիի թիվ 10 հայկական դպրոցում։ Սովորել է Էջմիածնի Գևորգյան ճեմարանում (1972-1973):

1971-72 թթ. Աշխատել է Սայաթ-Նովայի անվան գուսանական երգի պետական վաստակավոր անսամբլում՝ ՀՀ ժողովրդական արտիստ Վաղարշակ Սահակյանի ղեկավարությամբ։

1973-74 թթ. Վանաձորի մանկավարժական ինստիտուտի բանասիրական ֆակուլտետում։ Ուսմանը զուգընթաց երգել է ազգագրական երգի-պարի «Հորովել» պետական անսամբլում։

1980-2000 թթ. եղել է Թաթուլ Ալթունյանի անվան ժողովրդական երգի-պարի Հայաստանի պետական անսամբլի մեներգիչ։

1980-85 թթ. սովորել և ավարտել է Երևանի Կոմիտասի անվան պետական կոնսերվատորիայում, իսկ 1987 թվականից աշխատում է նույն բուհի Հայ երաժշտական ֆոլկլորագիտության ամբիոնում որպես տեքստաբան-դասախոս, իսկ 1995-ից դասավանդում է նաև «Հայ աշուղական արվեստ»։

1992-ից հիմնադրել և ղեկավարում է աշուղական երգի «Սայաթ Նովա» անսամբլը։

Նրա գիտական բազմաթիվ հոդվածներից են՝ «Ջիվանի,անհայտ երգեր», «Երկու երգ Ջիվանուց», «Ջիվանի,անտիպ էջեր», «Աշուղ Ջիվանու անտիպ երգերը», «Հայ ժողովրդական ռազմի ու զինվորի երգեր» և այլն։