Մահացել է մանկական սրտաբան Կոնստանտին Տեր-Ոսկանյանը
Հասարակություն
ՀՀ առողջապահության նախարարության ողջ անձնակազմն իր խորին ցավակցությունն է հայտնում մանկական սրտաբան Կոնստանտին Տեր-Ոսկանյանի մահվան կապակցությամբ:
Անվանի բժիշկը ծնվել է 1955 թվականին, 1978-ին ավարտել է Երևանի պետական բժշկական ինստիտուտի մանկաբուժության ֆակուլտետը, 1987 -ից ստացել է բժշկական գիտությունների թեկնածուի, իսկ 2004-ից` դոցենտի աստիճան:
Լինելով «Նորք-Մարաշ» բժշկական կենտրոնի առաջատար մանկական սրտաբաններից մեկը' նա իր մեծ ներդրումն է ունեցել մանկական սրտաբանության զարգացման գործում:
Աշխատասիրությունը և բարձր աշխատունակությունը Տեր-Ոսկանյանին բնորոշ գծերն են, նա մշտապես բարձրացրել է իր մասնագիտական որակավորումը և միաժամանակ մասնագիտության մեջ անհրաժեշտ գործնական հմտությունները փոխանցել երիտասարդ մասնագետներին, օգնել նրանց կայացման հարցում:
Վայելելով աշխատակիցների հարգանքն ու սերը' նա աշխատանքին մոտեցել է ամենայն պատասխանատվությամբ, շրջապատի հետ շփման հարցում մշտապես ցուցաբերել է համբերատար և զուսպ մոտեցում:
ՀՀ առողջապահության նախարար Դերենիկ Դումանյանն իր զորակցությունն է հայտնում Տեր-Ոսկանյանի հարազատներին և բարեկամներին' բարձր գնահատելով նրա մարդկային և պրոֆեսիոնալ հատկանիշները:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
