«Զվարթնոց» օդանակավակայանի շենքը կքանդվի. Արտյոմ Մովսեսյան

«Կառավարության որոշման համաձայն` հավանություն տրվեց կառավարչի կողմից ներկայացրած մաստեր պլանին, և «Զվարթնոց» օդանավակայանի շենքի քանդումը կլինի»: Այս մասին այսօր` լրագրողների հետ հանդիպման ժամանակ, ասաց ՀՀ կառավարությանն առընթեր Քաղաքացիական ավիացիայի գլխավոր վարչության պետ Արտյոմ Մովսեսյանն՝ անդրադառնալով «Զվարթնոց» օդանակավակայանի շենքի ճակատագրին:

Մովսեսյանը նշեց, որ վարչապետ Տիգրան Սարգսյանն այս հարցի հետ կապված առաջարկ է արել, որ ստեղծվի «Զվարթնոցի» մակետը:

«Փորձենք ինչ-որ կառույցում հավաքել դրա մակետները: Սա ընդունելի է նաև ավիացիայի ու Էռնեկյանի թիմի համար, սակայն վերջնական լուծման տարբերակն` ինչպիսին կլինի, դեռ չգիտենք, իրենք ժամանակ են խնդրել»,-ասաց նա: