Կառավարությունը մտադիր է ապրիլի 1-ից դրոշմապիտակով օծել բազմաթիվ ու բազմապիսի ապրանքներ

ՀՀ կառավարությունը մտադիր է այս տարվա ապրիլի 1-ից դրոշմապիտակով օծել բազմաթիվ ու բազմապիսի ապրանքներ: Դրանց թվում են օրինակ օճառը, լվացքի փոշին, ձեթը, կոսմետիկան, պահածոները, պաղպաղակը, թեյը, սուրճը և այլն։ Գրում է «Հայկական Ժամանակ»-ը:

Այսինքն, նշված ապրանքները մանրածախ առևտրում կարող են հայտնվել միայն այն դեպքում, երբ դրանց վրա կլինեն պետեկամուտների կոմիտեի 1 տրամադրած դրոշմապիտակները։ Այդպիսիք անցած տարվանից արդեն կիրառվում են զովացուցիչ ըմպելիքների, գարեջրի, հանքային ջրերի շշերի վրա։

Կառավարությունն իր առաջիկա նիստում քննարկելու է «Առևտրի և ծառայությունների մասին» ՀՀ օրենքում փոփոխություններ և լրացումներ կատարելու նախագիծը, որում էլ հենց ներառված է վերը նշված դրույթը։ Դրոշմապիտակավորելու այս նախաձեռնությունը կառավարությունը պատճառաբանում է տնտեսության ստվերային հատվածի դեմ պայքարի նկատառումներով։ Այսինքն, նշված ապրանքների դրոշմապիտակավորման արդյունքում տվյալ ապրանքների արտադրությունը և ներկրումը ավելի հեշտ կլինի հաշվառել, հետևաբար նաև հարկելը»,–գրում է թերթը։

Մանրամասները՝ թերթի այսօրվա համարում։