«Պարտադիր կուտակային կենսաթոշակային համակարգի» դեմ պայքարը գնալով ծավալվում է

«Պարտադիր կուտակային կենսաթոշակային համակարգի» դեմ պայքարը գնալով ծավալվում է:

«Դեմ եմ» քաղաքացիական նախաձեռնությանը միացել են կանադական հանրահայտ QUESTRADE տեղեկատվական տեխնոլոգիաների ընկերության Հայաստանի մասնաճյուղը, Երևանի 107 դպրոցի մանկավարժներ, «idram» վճարային համակարգի աշխատակիցներ, «Արդիննոտեխ» տեղեկատվական տեխնոլոգիաների շուրջ 40 աշխատակիցներ և այլք: Թե ինչ զարգացումներ կլինեն այս պայքարում, ինչպիսի արդյունքներ կարձանագրվեն, առայժմ դժվար է ասել:

«ՀԺ»-ին հասած տեղեկությունների համաձայն, մի քանի խոշոր ընկերություններ, որոնց աշխատակիցները ետ քաշվեցին պայքարից, առաջիկայում հայտնվելու են տխուր պատմությունների մեջ: Խնդիրն այն է, որ թերևս ՀՀ իշխանությունների հորդորով այդ ընկերություններն իրենց աշխատակիցներին խոստացան, որ պարտադիր կարգով նրանցից պահվող կենսաթոշակային գումարը կփոխհատուցվի աշխատավարձի նույն չափով բարձրացմամբ: Բայց քանի որ խոսքը գնում է հսկայական գումարների մասին, և նշված ընկերությունները արդեն իսկ հաստատել են իրենց աշխատավարձի ֆոնդերը, ուստի որոշել են մի քանի ամսից, երբ կրքերը կհանդարտվեն, շոշափելի կրճատումներ անել:

Նրանք փորձելու են տեղավորվել իրենց բիզնես պլաններով հաստատված աշխատավարձի ֆոնդի սահմաններում: Այլ կերպ ասած, մի քանի ամիս նշված ընկերությունների աշխատակիցներից ոմանք ստիպված կլինեն հրաժեշտ տալ իրենց աշխատանքին և դա լինելու է այն գինը, որ նրանք կվճարեն պայքարից ետ քաշվելու համար: Այնպես որ, կենսաթոշակային այս «բարեփոխումը» դեռ շատ ջուր է քաշելու:

Մանրամասնները` թերթի այսօրվա համարում: