Հայաստանում գործազրկության մակարդակը կկազմի տնտեսապես ակտիվ բնակչության 19 տոկոսը

Այս տարի Հայաստանում գործազրկության մակարդակը կաճի և կկազմի տնտեսապես ակտիվ բնակչության 19 տոկոսը, այնուհետև տարեցտարի աստիճանական աճ արձանագրելով արդեն 2018 թվականին գործազրկության մակարդակը կհասնի 20 տոկոսի: Գրում է «Հայկական Ժամանակ»-ը:

Այսպիսի կանխատեսումներ է արել ՄԱԿ-ի կազմում գործող Աշխատանքի միջազգային կազմակերպությունը` ԱՄԿ: Ըստ ԱՄԿ-ի 2013-ին գործազրկությունը ՀՀ-ում կազմել է 18.6 տոկոս, և այս ցուցանիշով մենք բացարձակ առաջատար ենք հետխորհրդային ողջ տարածքում: Օրինակ` Վրաստանում գործազրկության մակարդակը 14.3 տոկոս է, Ադրբեջանում 5.5, ՌԴ-ում` 6 տոկոս:

Այս մասին հաղորդում է «Ազատություն» ռադիոկայանը: Նկատենք, որ ՄԱԿ-ի հրապարակած այս տվյալները բնականաբար չեն համապատասխանում ՀՀ պաշտոնական վիճակագրության խիստ լավատեսական ցուցանիշներին, ըստ որոնց ՀՀ-ում գործազրկությունը զգալիորեն ցածր է և կազմում է 15.4 տոկոս: Ընդ որում, ըստ ՀՀ պաշտոնական վիճակագրության, գործազրկության մակարդակը գնալով նվազում է: Օրինակ` ըստ այդ աղբյուրի, 2012-ին գործազրկությունը եղել է ավելի քան 20 տոկոս, իսկ 2013 թվականին նվազել է մոտ 4 տոկոսով:

Մանրամասնները` թերթի այսօրվա համարում: