Քանի դեռ Ղուկասյանի տղան չի պատժվել, նա շարունակելու է մարդկանց ահաբեկել, հարձակվել, կրակել

Գյումրիում ոստիկանները երեկ բերման են ենթարկել նախկին քաղաքապետ Վարդան Ղուկասյանի հանրահայտ որդուն՝ Սպարտակ Ղուկասյանին: Պատճառը նախորդ օրը Գյումրու քաղաքապետ Սամվել Բալասանյանի տան վրա Սպարտակի հարձակումն է եղել: Միջադեպի հերոսը բացատրություններ է տվել ոստիկանությունում, որից հետո ազատ է արձակվել: Գրում է «Ժողովուրդ»-ը:

Ղուկասյանի կինը՝ Նոնա Ղուկասյանը, սակայն, «Ժողովուրդ»-ի հետ զրույցում ասաց, թե նրա վրա ցանկանում են գործ սարքել. «Եթե մեքենան անցել է, ու ուզում են դրանով մարդու վրա պատմությո՞ւն ստեղծել, գո՞րծ սարքե՞լ: Թող ներկայացնեն, ինչ-որ արել է, դրա տեսանյութը: Մենք վախենալու բան չունենք»: Մինչ այդ՝ նախօրեին՝ Գյումրիում տեղի ունեցած միջադեպից հետո, ՀՀ ոստիկանապետ Վովա Գասպարյանը պաշտոնանկ է արել ոստիկանության Շիրակի մարզային վարչության պետ Կարեն Բաբակեխյանին՝ ուղարկելով կադրերի ռեզերվ, և ոստիկանության քննչական վարչության Շիրակի բաժնի պետ Ալբերտ Երիցյանին: Բաբակեխյանին փոխարինել է Վարդան Նադարյանը:

Թերթը նկատում է, որ քանի դեռ Ս. Ղուկասյանը չի պատժվել՝ նաև իր նախորդ արարքների համար, պաշտոնանկությունները որևէ արդյունք չեն տա. Սպարտակը, միևնույն է, շարունակելու է մարդկանց ահաբեկել, հարձակվել, կրակել և այսպես շարունակ:

Մանրամասները` թերթի այսօրվա համարում: