«Չեմ կարծում, որ Վարդան Ղուկասյանը կամ իր որդին պետք է հանդիսանան այն անձինք, որ ես ոստիկանապետ փոխեմ, մի քիչ շատ չի՞»

Գյումրեցիների «վարդանիկասեր» հատվածն ասում է, որ տարածված տեսագրության մեջ Վարդանիկի որդուն ճանաչել հնարավոր չէ, որ կրակոցներ ընդհանրապես չեն եղել, և նախկին քաղաքապետի գլխին փորձում են «սարքել»: Գրում է «Հրապարակ»-ը:

 Մյուսները սպասում են, որ Վարդանիկի որդի Սպարտակը, որը բազմիցս է քրեական ռազբորկաներում նկատվել, այս անգամ գոնե կպատժվի: Իհարկե, այս հույսը թույլ էր, քանի որ դեպքի օրը նա ազատ պտտվել է քաղաքում, իսկ Շիրակի ոստիկանությունը նրան բերման ենթարկելուց կարճ ժամանակ անց բաց է թողել: Բայց կոլեգիայի նիստում Վովա Գասպարյանը կշտամբեց մարզի ոստիկանապետ Կարեն Բաբակեխյանին՝ կրակողին կարգի չհրավիրելու համար, այնուհետեւ նրան պաշտոնից հանելու և կադրերի ռեզերվ ուղարկելու հրամանը գոտեպնդեց գյումրեցիներին: Կարեն Բաբակեխյանը ժխտեց իր պաշտոնանկության պատճառահետևանքային կապը Բալասանյանի տան մոտ հնչած կրակոցների հետ:

ՀՀ ոստիկանապետը, որը մեկնել էր Շիրակ եւ մասնակցել մարզային վարչության փակ խորհրդակցությանը, կոպիտ է արձագանքել Բաբակեխյանի պաշտոնանկության շուրջ պտտվող լուրերին: «Չեմ կարծում, որ Վարդան Ղուկասյանը կամ իր որդին պետք է հանդիսանան այն անձինք, որ ես ոստիկանապետ փոխեմ, մի քիչ շատ չի՞»,- ասել է նա, շեշտելով, որ գոհ է Բաբակեխյանի աշխատանքից, սակայն դժգոհ է անձնակազմից, որը չի կարողացել սատարել Բաբակեխյանին:

Մանրամասները` թերթի այսօրվա համարում: