«Ես գիտեի, որ իմ էրեխեն առողջ է, ու նրան սպանեցին...»

2012թ. հունիսի 20-ին Միքայելյանի անվան վիրաբուժական հիվանդանոցում հանկարծակի մահացած 28-ամյա Մերուժան Ավետիսյանի մահվան առիթով երկրորդ անգամ նշանակված դատաբժշկական փորձաքննության արդյունքների պատասխանների հիման վրա հարուցվել է քրեական գործ:

Այս մասին երեկ «Ժողովուրդ»-ի հետ զրույցում ասաց մահացած տղայի հայրը` Սիմակ Ավետիսյանը: Նշենք, որ Մերուժան Ավետիսյանը տնտեսած գումարով ցանկացել էր պլաստիկ վիրահատության միջոցով շտկել ի ծնե թեքված ծնոտի արատը, սակայն հանկարծակի վիճակը վատացել էր, և տղան մահացել էր: «Ես բողոքել էի հիվանդանոցի դիմածնոտային բաժնի վարիչ Հայկ Ենոքյանի դեմ: Քննիչը դեռ չի ասել, թե ինչ հոդվածի հատկանիշներով է քրեական գործ հարուցվել: Մոտ օրերս հանդիպում կունենամ, և մանրամասները հայտնի կլինեն ինձ: Բայց ասացին, որ քրեական գործ են հարուցել: Ես գիտեի, որ իմ էրեխեն առողջ է, ու նրան սպանեցին: Ճիշտ է, նրան հետ չեմ բերի, բայց գոնե հանգիստ կլինեմ, որ մեղավորները պատասխան կտան»,-ասաց Ս. Ավետիսյանը: 

Մանրամասները` թերթի այսօրվա համարում: