Չնայած սառնամանիքին` Կիևում ցուցարարները շարունակում են իրենց պայքարը

Չնայած 21 աստիճան սառնամանիքին, Կիևում ցուցարարները շարունակում են իրենց «բնականոն բողոքը»: Այս մասին հայտնում է Украинская правда-ն:

Չնայած սաստիկ ցրտին` ցուցարարներն իրենց պայքարը չեն դադարեցրել և չցրտահարվելու համար մոտեցել են վրաններին, որտեղ տեղադրված են վառարաններ:

Մայդանի բեմահարթակին շարունակում են ելույթ ունենալ ակտիվիստները:

Գրուշևսկու փողոցում բարիկադների վրա կա շուրջ 150 ցուցարար, ովքեր հսկում են հատուկջոկատայիններին և տաքանում են վառարանների մոտ: