Ադրբեջանի զինված ուժերը հունվարին 7 զինծառայող են կորցրել
Հասարակություն
Ադրբեջանի լրագրողների ռազմական հետազոտությունների «Դոկտրինա» կենտրոնի կողմից զանգվածային լրատվական միջոցների հաղորդագրությունների հիման վրա անցկացված մոնիթորինգի արդյունքներով` այս տարվա հունվարին Ադրբեջանի անվտանգության և պաշտպանության հատվածի կորուստը կազմել է 7 զինծառայող: Այս մասին հաղորդում են ադրբեջանական ԶԼՄ-ները, հայտնել է «Դոկտրինա» կենտրոնի տնօրեն Ջասուր Սումերենլին:
Վերջինս նշել է, որ հունվարին ադրբեջանական բանակի 11 զինծառայող վիրավորվել կամ վնասվածք է ստացել, մահացած զինծառայողներից 5-ը զոհվել է ոչ մարտական պայմաններում, մեկ զինծառայող մահացել է հիվանդությունից, 4 զինվոր ինքնասպանություն է գործել: Մահացածներից 6-ը Պաշտպանության նախարարության, 1-ը` Արդարադատության նախարարության քրեակատարողական ծառայության զինծառայողներ են:
4 զինծառայողներ վիրավորվել են ոչ կանոնադրական հարաբերությունների հետ կապված միջադեպերի, 2-ը` ինքնասպանության փորձի, 2-ը` հրազենից, 3-ը` ավտոճանապարհային վթարի հետեւանքով: Վիրավորվածներից 10-ը ՊՆ, 1-ը` արդարադատության նախարարության քրեակատարողական ծառայության զինծառայողներ են:
2013 թ-ին Ադրբեջանի անվտանգությանեւ պաշտպանության հատվածի կորուստը կազմել է 81 զինծառայող, որոնցից 72-ը զոհվել են ոչ մարտական պայմաններում, 99 զինծառայող էլ վիրավորվել կամ վնասվածք է ստացել:


















































Ամենադիտված
Ձմերուկը դարձել է չորս հոգանոց ընտանիքի մահվան պատճառ