Ադրբեջանցի ուսանողները պատրաստվում են զանգվածային բողոքի ցույցերի

Բաքվի պետական համալսարանի ռեկտոր Աբել Մահեռամովի` Ֆեյսբուքում կատարած գրառումը դժգոհություն է առաջացրել այն ուսանողների շրջանում, ովքեր կտրվել են քննություններից: Դժգոհ ուսանողները պատրաստվում են զանգվածային բողոքի ցույցերի:

Haqqin. az լրատվական կայքը գրում է, որ այս տարվանից սկսած այն ուսանողներն, ովքեր քննություններից պարտքեր ունեն, պետք է լրացուցիչ վճարում կատարեն` դասախոսությունների կրկնակի դասընթաց անցնելու հնարավորություն ձեռք բերելու համար: Փաստորեն, դա նշանակում է, որ ուսանողներն այսուհետ չեն կարող անվճար վերահանձնել իրենց ակադեմիական պարտքերը:

Բաքվի պետհամալսարանի ուսանողները Ֆեյսբուքում խմբեր են ստեղծել և կոչ են անում դուրս գալ համընդհանուր բողոքի ակցիայի, որը տեղի կունենա համալսարանում` փետրվարի 3-ին: