Չորս մարզում և Երևան քաղաքում ծնելիության ցուցանիշները բարձր են հանրապետական միջինից

Հայաստանում բնական հավելաճը՝ ծնունդների և մահերի տարբերությունը, 2013 թվականին կազմել է 14 հազար 605։ Այս մասին այսօր լրագրողների հետ հանդիպման ժամանակ ասաց Հայաստանի ազգային վիճակագրական ծառայության (ԱՎԾ) մարդահամարի և ժողովրդագրության բաժնի պետ Կարինե Կույումջյանը' նշելով, որ մահացության ցուցանիշը նախորդ տարի նվազել է 1.6 տոկոսով' 2012-ի համեմատ: «Տարվա կենդանի ծնունդների թվաքանակը կազմել է 41 հազար 770, որը 1.7 տոկոս ով պակաս է 2012-ի ցուցանիշից: Յուրաքանչյուր 1000 բնակչի հաշվով 2013-ին ծնվել է 14 երեխա: Մահացության բացարձակ ցուցանիշը կազմել է 27 հազար 165 մարդ, որը ևս նվազել է'1.6 տոկոսով»,-ասաց Կարինե Կույումջյանը: Բնական հավելաճի գործակիցը ևս նվազել է 1.9 տոկոսով: Յուրաքանչյուր հազար բնակչի հաշվով հանրապետության բնակչությունն ավելացել է հինգ մարդով:

Հայաստանում 2013 թվականին արձանագրվել է 41 770 ծնունդ, որը 2012թ. նույն ժամանակաշրջանի համեմատ նվազել է 1.7 տոկոսով։ Ծնելիության ընդհանուր գործակիցը 1 000 բնակչի հաշվով նվազել է, համապատասխանաբար' 0.2 պրոմիլային կետով։

Կարինե Կույումջյանի ներկայացրած տվյալներով' ՀՀ մարզերից Արագածոտնում, Արարատում, Կոտայքում, Շիրակում և Երևան քաղաքում ծնելիության ցուցանիշները բարձր են հանրապետական միջից: «Արմավիրի, Լոռու, Գեղարքունիքի մարզերում ցուցանիշները հակառակը ցածր են հանրապետական միջինից, առավել նվազ են Սյունիքում, Տավուշում, Վայոց ձորում: Իսկ մահացության ընդհանուր գործակցի մարզային բաշխումները ցույց են տալիս, որ հանրապետական միջինից առավել բարձր ցուցանիշ է գրանցվել Լոռու, Տավուշի և Շիրակի մարզերում»,-տեղեկացրեց Կարինե Կույումջյանը:

Ըստ Ոստիկանության ինֆորմացիոն կենտրոնի տրամադրած հաշվետվական տվյալների՝ 2013թ. հունվար-դեկտեմբերին հանրապետությունում արձանագրվել են ինքնասպանության և ինքնասպանության փորձերի 768 դեպք, 2012թ. համեմատ դեպքերն աճել են 3.8 տոկոսով: Արձանագրված ինքնասպանության դեպքերը կազմել են 203-ը, որոնք 2012թ. համեմատությամբ նվազել են 5.1 տոկոսով: Ընդ որում, 2013թ. արձանագրված ինքնասպանության դեպքերն ավելացել են կանանց շրջանում, մասնավորապես՝ 30-ից բարձր տարիքի, իսկ տղամարդկանց շրջանում՝ նվազել են: Ինքնասպանության փորձերը, նախորդ տարվա համեմատ աճել են 7.4 տոկոս