Գագիկ Ծառուկյանի հերթական «առատաձեռնությունը» և նրա անտաղանդ PR-չիկները

Համացանցում տարածված տեսանյութը, որտեղ Արմավիրի մարզի Գրիբոյեդով գյուղի 13-ամյա բնակիչ Տիգրան Պետրոսյանը բողոքում է իր առօրյա խնդիրներից, խոսում էր ֆուտբոլ խաղալու ցանկությունից ու ասում էր' «Տեսնենք, Գագիկ Ծառուկյանը մի հատ գնդակ կտա», անարձագանք չի մնացել: ԲՀԿ առաջնորդ Գագիկ Ծառուկյանի հանձարարությամբ' ոչ միայն գնդակն են հասցրել Տիգրանին, այլ նաև ուրիշ նվերներ:

Ընդ որում, դա արվել է աղմկոտ ռեպորտաժներով, որտեղ ամեն հինգ բառից չորսի դեպքում հնչել է Գագիկ Ծառուկյան անունը: Ծառուկյանին պատկանող հեռուստաընկերությունը այդ փոքրիկ նվիրատվությունը լուսաբանել է որպես դարի իրադարձություն: Ծառուկյանի PR-ով զբաղվողները երևի իրենց ղեկավարի իմիջը ավելի շատ փչացնում են, քան բարելավում:

Եթե անգամ փոքրիկի գնդակ ունենալու ցանկությունն ի կատար ածելը ևս ներկայացվում է ԲՀԿ ղեկավարի PR խմբի կողմից այսպիսի մեծ աղմուկով' նշանակում է, որ իրենք բարեգործության մասին ունեն թյուր պատկերացումներ:

Կարդացեք նաև` Արմավիրցի 11-ամյա Տիգրանի ցանկությունը կատարվեց. Գագիկ Ծառուկյանը գնդակներ է նվիրել