Ծաղկաձորում հայտնաբերվել է «ԱրմենՏել» ՓԲԸ-ի կոմերցիոն տնօրենի դին (լուսանկարներ)

Փետրվարի 3-ին ՀՀ ոստիկանությունից տեղեկատվություն է ստացվել, որ Ծաղկաձորի ճոպանուղու մոտակայքում կորել է «Արմենթել» ՓԲԸ-ի կոմերցիոն տնօրեն Ա. Մ.-ն. որոնողական աշխատանքների համար անհրաժեշտ է օգնություն:

Որոնողական աշխատանքների են մեկնել մեկ մարտական հաշվարկ և ՀՆՓԱԻԿ-ի հետախույզ-կինոլոգիական ջոկատը։

Որոնողական աշխատանքներին մասնակցել են մարզային ոստիկանության աշխատակիցներ:

Որոնողական աշխատանքների արդյունքում Ծաղկաձորի սպորտային համալիրի 3-րդ հատվածին հարակից սարալանջին' «Թթու ջուր» կոչվող տարածքում, հայտնաբերվել է 1978 թ. ծնված Ա. Մ. -ի (Վրաստանի Հանրապետության քաղաքացի) դին:

Հրշեջ-փրկարարները դին սարալանջից իջեցրել և մոտեցրել են շտապօգնության մեքենային:

Լուսանկարները` shamshyan.com-ի