40 օրվա ընթացքում օֆշորային սկանդալի մասնակից Աշոտ Սուքիասյանին կհանձնեն ՀՀ իրավապահ մարմիններին

Երեկ ՀՀ գլխավոր դատախազությունը դիմել է Վրաստանի դատախազությանը՝ օֆշորային սկանդալի մասնակից, ադամանդագործական ձեռնարկության սեփականատեր Աշոտ Սուքիասյանին ՀՀ իրավապահ մարմիններին հանձնելու միջնորդությամբ: Օրենքի համաձայն, այն պետք է իրականացվի 40 օրվա ընթացքում: Մինչ Վրաստանում քննարկում են հայ գործընկերների միջնորդությունը, Հայաստանում ամենատարբեր վարկածներն են տարածվում Աշոտ Սուքիասյանի հրաշալի ձերբակալության շուրջ, որն ավելի նման էր ինքնակամ ներկայանալուն:

Վարկածներից մեկն այն է, որ Սուքիասյանը պայմանավորվածություն ունի «օֆշորային» սկանդալի մյուս դերակատարների՝ վարչապետի եւ Նավասարդ Կճոյանի հետ, իր վրա է վերցնելու ողջ մեղքը եւ ցուցմունք է գրելու, թե վերջիններս կապ չունեն ոչ Կիպրոսում գրանցված ընկերությունների հետ, որոնց հաշվին փոխանցվել են Ամերիաբանկի վարկային գումարները, ոչ էլ հայտնի գործարար Փայլակ Հայրապետյանի ունեզրկման հետ, որի միջոցները Սուքիասյանը գրավադրել էր բանկում:

Հիշեցնենք, որ Սուքիասյանն այդ մասին քանիցս հայտարարել էր՝ նամակ-հայտարարություններ անելով, դրանցից մեկը հղել էր այն ժամանակվա գլխավոր դատախազ Աղվան Հովսեփյանին: Նա հայտնել էր, որ WLISPERA HOLDINGS LIMITED օֆշորային կազմակերպության հիմնադիրն ինքն է եւ ինքն է «բաժնեմասեր գրել Տ. Սարգսյանի եւ Ն. Կճոյանի անուններով' առանց նրանց գիտության եւ առանց նրանց համաձայնության»: «Դա արել եմ, որպեսզի իմ բիզնեսը զերծ պահեմ տարբեր ոտնձգություններից: Չեմ գիտակցել, որ այն կարող է հետեւանքներ ունենալ»:

Մանրամասները` «Հրապարակ»-ի այսօրվա համարում: