Գոռ Վարդանյանի` «Դուքենդո» -ի ֆեդերացիան` 2008-ի մարտի 1-ին և դրան նախորդած օրերին եղել է «զորանոց». «Ժողովուրդ»

««Դուքենդո» արևելյան մարտարվեստի ֆեդերացիայի շենքից հայտնաբերված զենքերը ոստիկանությունում ուսումնասիրում են, որպեսզի պարզեն, թե ում են պատկանում դրանք: Գրում է «Ժողովուրդ»-ը:

Ու թեև ֆեդերացիայի նախագահ Գոռ Վարդանյանն ասել էր, թե հայտնաբերված պիռատեխնիկական բաղադրիչները ձեռք են բերվել ֆիլմերի մեջ նկարահանելու նպատակով, սակայն չի բացառվում, որ այդ զենքերով հանցագործություններ ևս կատարված լինեն։ «Ժողովուրդ»-ի տեղեկություններով՝ այս պահին ուսումնասիրվում է նաև այդ խնդիրը:

Ի դեպ, Հայ ազգային կոնգրեսի պնդմամբ՝ այդ նույն տարածքը 2008թ. մարտի 1-ին և դրան նախորդած օրերին եղել է «զորանոց»։

Հենց այստեղ է տեղակայվել ժողովրդի վրա հարձակվելու համար կազմված ջոկատներից մեկը։ Ջոկատ, որը կազմավորել էր ՀՀ երկրորդ նախագահ Ռոբերտ Քոչարյանի թիկնազորի նախկին պետ Գրիշա Սարկիսովը»։

Մանրամասները` թերթի այսօրվա համարում