Փորձագետը ԵՄ-ի հետ Ասոցացման համաձայնագրի բովանդակությամբ հասարակության հետաքրքրություն չի տեսնում

Եվրոպական միությունը շտապողականություն չի դրսևորում Հայաստանի հետ հարաբերություններում, քանի որ ներկայումս զբաղված է ուկրաինական հարցով։ Սա նշանակում է, որ Հայաստանն ինքը պետք է նախաձեռնող լինի և առաջարկներ ներկայացնի Եվրամիությանը։ Այս մասին այսօր` լրագրողների հետ հանդիպման ժամանակ, ասաց Արևելյան գործընկերության քաղաքացիական հասարակության ֆորումի Հայաստանի ազգային պլատֆորմի համակարգող Բորիս Նավասարդյանը։ Ասոցացման համաձայնագրի նախապատրաստման համար չորս տարի շարունակ տարված աշխատանքը պետք է աբողջությամբ վերափոխվի։ Մենք պետք է ձևակերպենք մեր առաջարկները ԵՄ-ին»,-ասաց Նավասարդյանը։

Նրա խոսքով՝ հասարակությունը ներկայումս հետաքրքրված չէ Ասոցացման համաձայնագրի բովանդակությամբ, այնինչ համաձայնագրի «ճանապարհային քարտեզը» բաց է լայն զանգվածների համար։ «Իսկ բուն համաձայնագրի հրապարակումը ձգձգվում է, քանի որ հայկական կողմը չի տվել իր համաձայնությունը, ԵՄ-ն, սակայն, պարտաստակամ է հրապարակել համաձայնագիրը, ինչպես եղավ Ուկրաինայի դեպքում»,-նշեց Նավասարդյանը։

2013 թվականին Հայաստանը հայտարարեց Մաքսային միությանն անդամակցելու որոշման մասին, և Եվրամիության Արևելյան գործընկերության երրորդ գագաթնաժողովի շրջանակում Հայաստանի և Եվրոպական Միության միջև ասոցացման համաձայնագրի նախաստորագրումը տեղի չունեցավ։ Հայաստանն ու ԵՄ-ն համատեղ հայտարարություն արեցին, որտեղ նշվում էր, որ ԵՄ-ն ու Հայաստանը ունեն սերտ կապեր և վերահաստատում են իրենց հանձնառությունը ավելի զարգացնել, ամրապնդել Արևելյան գործընկերության շրջանակում փոխադարձ հետաքրքրություն ներկայացնող բոլոր ոլորտներում համապարփակ համագործակցությունը։