Շիրակի մարզի ոստիկանապետն իր գործունեությունն սկսել է կադրային որոշակի փոփոխություններից

Շիրակի մարզի նորանշանակ ոստիկանապետ, գնդապետ Վարդան Նադարյանը փետրվարի 7-ին Գյումրիում լրագրողների հետ հանդիպման ժամանակ անդրադարձել է մարզի ոստիկանության համակարգում իրականացվող կադրային փոփոխություններին՝ տեղեկացնելով, որ այդ փոփոխությունները կշարունակվեն նաև առաջիկայում: «Կադրային փոփոխությունները կշարունակվեն: Մենք գնում ենք բարեփոխումների, առողջացման ծրագրերի, համակարգի արդիականացման և ժողովրդի հետ առավե լագույն թափանցիկ աշխատանքի: Այս կադրային փոփոխությունները, ՀՀ ոստիկանապետի ասածի նման, «քավորսանիկական» հարաբերույթունները բացառելու, ոստիկանական ուժերն ավելի թարմացնելու, ավելի իրավազոր մարդկանց ներգրավելու համար է, քանզի կադրերն են որոշում ամեն ինչ: Բոլոր օրենքները, դրույթներն ու ցուցումներն իրականացվում են փորձառու աշխատակիցների միջոցով: Այս առումով կարևորվում է մարդկանց բարոյահոգեբանական կերպարը, բարեկրթությունը, գրագիտությունը, մասնագիտությանը տիրապետելը: Սա ինքնամաքրման, բարեփոխումների գործընթաց է: Մարզում ի մ գործունեությունն սկսել եմ կադրային որոշակի փոփոխություններից, անձանակազմի հրահանգումներից' իրենց պարտականությունների հստակ կիրառման, ժողովրդի հետ հարաբերվելու բարձր մակարդակի և բոլոր հանցանք-զանցանքների կանխարգելման, կատարված հանցագործությունների հետևողական բացահայտման գործունեության առումով»,- նշեց Վարդան Նադարյանը: Վերջինս նաև նշեց, որ թեև պարկեշտ, փորձառու, նորմալ, բարեկիրթ կադրեր մարզում կան, բայց նոր լավ կադրերի պահանջ զգացվում է:

Խոսելով մարզի ոստիկանական համակագրում առկա բացթողումների և այսօր անցկավցած ստուգայցի մասին, գնդապետը նշեց, որ անելիքներ մարզում շատ կան: «Զարմացած եմ, որ մինչ այս մարզում, օրինակ, լայնամասշտաբ ստուգայցեր չեն կատարվել, ինչը պարբերաբար պետք է լինի: Կան բազմաթիվ բացեր: Կլինենք ավելի զգոն և հետևողական: Մեր գործունեությունը կլինի առավել թափանցիկ»,- ավելացրեց մարզի ոստիկանապետը: