ԱՄՆ-ում նշում են The Beatles-ի համերգային շրջագայությունների 50-ամյակը

ԱՄՆ-ում սկսվել են The Beatles-ի առաջին համերգային շրջագայությունների 50-ամյակին նվիրված միջոցառումները: Ինչպես հաղորդում է ԻՏԱՌ-ՏԱՍՍ-ը, Նյու Յորքում սկսվել է «Across the Universe» երաժշտական փառատոնը: Քաղաքի պատկերասրահներում խմբի անդամներից յուրաքանչյուրի կյանքի ու ստեղծագործությունների մասին պատմող ցուցադրություններ են: Փետրվարի 7-ին Նյու Յորքի Կենտրոնական զբոսայգում Beatles-ի մեծաթիվ երկ րպագուները հավաքվելու են Մանհեթենում գտնվող Ջոն Լեննոնի հիշատակին նվիրված «Strawberry fields» հուշարձանի մոտ: Նման հանդիպում տեղի է ունենալու նաև Տեխասի Հյուսթոն քաղաքի Beatles-ին նվիրված հուշարձանի մոտ: Նախապես հաշվարկած 3 օր տևող փառատոնին մասնակցելու են 50 խմբեր 50 երկրներից: Կազմակերպիչները հուսով են, որ համերգներին ներկա կլինեն խմբի հազարավոր երկրպագուներ:

The Beatles-ը բրիտանական ռոք խումբ է Լիվերպուլից, որը ձևավորվել է 1960 թվականին: Խմբի անդամներն էին Ջոն Լենոնը, Փոլ Մաքքարթնին, Ջորջ Հարիսսոնը և Ռինգո Սթարը: Խումբը համաշխարհային ճանաչում է ստացել 1963 թվականին «Please Please Me/Ask Me Why» սինգլի թողարկումից հետո' «բիթլամանիայի» սկիզբը դնելով: Բիթլզը մեծ ազդեցություն է թողել ռոք երաժշտության վրա և համարվում է 20-րդ դարի լավագույն խմբերից մեկը: