Արամ Խաչատրյանի ձեռագրերը հայտնվեցին ՅՈՒՆԵՍԿՕ-ի ցանկում
Գիտություն և Մշակույթ
Արամ Խաչատրյանի ձեռագրերը համալրեցին ՅՈՒՆԵՍԿՕ-ի անհապաղ պաշտպանության տակ առնված արժեքների ցանկը: ՅՈՒՆԵՍԿՕ-ի ուղարկած հավաստագիրն Արամ Խաչատրյանի տուն-թանգարանի տնօրենի Արմինե Գրիգորյանին հանձնեց ՀՀ մշակույթի նախարար Հասմիկ Պողոսյանը:
«Գործընթացը սկսվել էր դեռևս 2010 թվականին, երբ մշակույթի և արտաքին գործերի նախարարությունների առաջարկով տուն-թանգարանը ՅՈՒՆԵՍԿՕ-ին ներկայացրեց իր արխիվում և Արամ Խաչատրյանի որդու մոտ պահվող ձեռագրերը: Ընդհանուր առմամբ 15 ձեռագիր ներկայացվեց աշխարհի հիշողություն ռեեստրին: Գործընթացը շատ ծավալուն էր: Միայն 2013թ. մենք կարողացանք դրանք ընդգրկել այդ ռեեստրում և սա այդ հավաստագիրն է: Այս տարվա 2000 հայտից միայն մի քանիսն են ընդունվել և նաև մեր հայտը: Սա շատ կարևոր է մեզ համար: Արամ Խաչատրյանի այս ձեռագրերի կորուստը կարող էր հարված լինել ամբո ղջ աշխարհի համար»,- նշեց թանգարանի տնօրեն Արմինե Գրիգորյանը:
ՀՀ մշակույթի նախարար Հասմիկ Պողոսյանը շնորհավորեց թանգարանի տնօրենին' նշելով, որ սա շատ պատվավոր իրադարձություն է բոլորի համար: Հավաստագիրը կզարդարի տուն-թանգարանը:
Կոմպոզիտոր Արամ Խաչատրյանի տուն-թանգարանը հիմնվել է 1978թ.: 1984 թ. հունվարի 23-ին բացվել է Արամ Խաչատրյանի տուն-թանգարանի առաջին ցուցադրությունը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
