Անգելա Մերկելն Էրդողանին հորդորել է ընդունել Հայոց ցեղասպանությունը
Արտաքին Քաղաքական
Գերմանիայի կանցլեր Անգելա Մերկելը կշտամբել է Թուրքիայի վարչապետ Ռեջեփ Թայիփ Էրդողանին' Հայոց ցեղասպանության ժխտողական քաղաքականությունը շարունակելու համար: Այս մասին հայտնում է Hurriyet թերթի թուրքերեն տարբերակը:
Գերմանիա այցելած Թուրքիայի վարչապետը զգուշացրել է կանցլերին և նրա ղեկավարած Քրիստոնյա-դեմոկրատական միություն կուսակցությանն ավելի զգույշ լինել Հայոց ցեղասպանության` գալիք հարյուրամյա տարելիցի հարցում:
«Մենք տեղյակ ենք, որ եկող տարի բյուջետային հատկացումներ են արվելու Ձեր երկրում 1915 թվականի իրադարձությունների 100-ամյա տարելիցի համար: Ես խորհուրդ եմ տալիս ավելի ուշադիր լինել այս խնդրի շուրջ»,-ասել է Էրդողանը:
Ի պատասխան` Մերկելն ասել է Էրդողանին, որ Գերմանիան ժողովրդավարական երկիր է, և իր կառավարությունը չի կարող միջամտել որոշումների կայացմանը:
«Թուրքիան պետք է հաշտվի սեփական պատմության հետ: Մենք չենք կարող Հայաստանում ապրող հայերին համեմատել հայերի հետ, ովքեր բռնի սփռվել էին աշխարհով մեկ»,-ասել է Մերկելը՝ հավելելով, որ Հայաստանի հայերն ապրում են դժվարին պայմաններում և հորդորել է Էրդողանին բացել սահմանը:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
