Մերկելն Էրդողանին կոչ է արել բացել Հայաստանի հետ սահմանը
Արտաքին Քաղաքական
Թուրքիայի վարչապետ Ռեջեփ Թայիփ Էրդողանի' Գերմանիա կատարած այցի շրջանակում` կանցլեր Անգելա Մերկելի հետ հանդիպման ժամանակ, Հայոց ցեղասպանության թեման լարվածություն է առաջացրել: Այս մասին հայտնում է թուրքական «Հուրիեթ» պարբերականը:
Խոսակցությունը սկսել է հենց Էրդողանը' Մերկելին կոչ անելով 1915 թվականի դեպքերի 100-ամյա տարելիցին ընդառաջ ավելի զգուշ լինել այն գումարային հատկացումներում, որոնք Գերմանիան պատրաստվում է անել երկրի բյուջեից:
Ի պատասխան Էրդողանի խոսքերի' Մերկելը հիշեցրել է, որ Գերմանիան ժողովրդավարական երկիր է և անհրաժեշտ է, որպեսզի Թուրքիան առերեսվի պատմությանը:
Իր հերթին Էրդողանը փորձել է արդարանալ և ասել է. «Ուզում եք մեզ ընդունել տալ այն, ինչը չե՞նք արել: Մենք բացել ենք մեր բոլոր արխիվները պատմաբանների համար: Ամբողջ աշխարհին կոչ արեցինք գալ և ուսումնասիրել, սակայն ոչ ոք չեկավ: Անիրավ մի’ եղեք Թուրքիայի նկատմամբ»:
Կողմերը հանդիպման ժամանակ խոսել են նաև Սիրիայի ճգնաժամի և Թուրքիայում գալիք նախագահական ընտրություններին Էրդողանի հնարավոր առաջադրվելու մասին:
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
