Մենք. Ձեր «ռեֆորմները» հիասթափություն են տարածում

Մենք երիտասարդական շարժումը հայտարարություն է տարածել, որում մասնավորապես ասվում է.

Պարտադիր կուտակային կենսաթոշակային համակարգի ապօրինի լինելը շատ է վերլուծվել, թե՛ երիտասարդության, թե՛ ավագ սերնդի կողմից, և չփորձի մեկը խոսել այդ համակարգի ռեֆորմատիկ բնույթի մասին, քանի որ ժողովրդին անծանոթ պլատֆորմի վրա չի կարող ստեղծվել անհոգ ծերություն:

Կառավարությունը ժողովրդի' երիտասարդության, կյանքը թեթևացնելու փոխարեն, սկսել է մտածել նրանց ծերության մասին' անտեսելով այն կարևորագույն փաստը, որ չկան աշխատատեղեր, կան միայն օրեցօր բարձրացվող գներ' բոլոր ապրանքատեսակների վրա:

Հարգելի կառավարությու՞ն, նախքան աշխատող երիտասարդության գրպանը մտնելը, հիշեք Գ.Նժդեհի խոսքերը:

-Ուզու՞մ ես տեսնել ազգի ճակատագիրը, նայիր նրա երիտասարդությանը:

Ձեր «ռեֆորմները» հիասթափություն են տարածում:

Հ.Գ. Պարտադիր կուտակային կենսաթոշակային համագարգը բոլորին է թալանելու' կուսակցական պատկանելիությունից զատ: