Մեր մարզիկները օլիմպիական խաղերում յուրահատուկ ռեկորդի հեղինակ են դարձել

Փետրվարի 7-ին Սոչիում մեկնարկած ձմեռային 22-րդ Օլիմպիական խաղերին Հայաստանը ներկայացնում են 4 մարզիկներ. բացման արարողության ժամանակ մեր երկրի դրոշը տանելու պատիվն ընձեռնված էր 22-ամյա դահուկորդ Սերգեյ Միքաելյանին:

«Հայկական Ժամանակ» օրաթերթը գրում է:

Ընդհանուր առմամբ Սոչիի Օլիմպիադան 11-րդն է Հայաստանի պատմության ընթացքում, այդ թվում' 6-րդ ձմեռայինը: Մեր մարզիկները դեռ երբեք մեդալներ չեն վաստակել ձմեռային Օլիմպիադաներում, բայց շատ յուրահատուկ ռեկորդի հեղինակ են դարձել: 1998 թվականին Նագանոյում կայացած ձմեռային Օլիմպիական խաղերում մեր երկրի դրոշակակիրն էր դահուկորդուհի Ալլա Միքաելյանը, ով Սոչիի Օլիմպիական խաղերում Հայաստանի դրոշակակիր Սերգեյ Միքաելյանի մայրն է: Օլիմպիական խաղերի 100-ամյա պատմության ընթացքում սա առաջին դեպքն է, երբ մայր ու որդի արժանանում են երկրի դրոշակը տանելու պատվին:

Մանրամասները' թերթի այսօրվա համարում: